The Nectar of Thiruppugazh

ராகம் : மத்யமாவதி சதுஸ்ர த்ரிபுடை (4 களை — 32) 1½ + 1½ + 1 ஈயெ றும்புநரி நாய்க ணங்கழுகு காக முண்பவுட லேசு மந்துஇது ஏல்வ தென்றுமத மேமொ ழிந்துமத வும்பல்போலே ஏது மென்றனிட கோலெ னும்பரிவு மேவி நம்பியிது போது மென்கசில ரேய்த னங்கள்தனி வாகு சிந்தைவச னங்கள்பேசிச் சீத தொங்கலழ காவ ணிந்துமணம் வீச மங்கையர்க ளாட வெண்கவரி சீற கொம்புகுழ லூத தண்டிகையி லந்தமாகச் சேர்க னம்பெரிய வாழ்வு கொண்டுழலு மாசை வெந்திடவு னாசை மிஞ்சிசிவ சேவை கண்டுனது பாத தொண்டனென அன்புதாராய்

ராகம் : சரஸ்வதி அங்கதாளம் 2 + 2 + 1½ (5½) அருவரை யெடுத்த வீர னெரிபட விரற்க ளூணு மரனிட மிருக்கு மாயி யருள்வோனே அலைகட லடைத்த ராமன் மிகமன மகிழ்ச்சி கூரு மணிமயில் நடத்து மாசை மருகோனே பருதியி னொளிக்கண் வீறும் அறுமுக நிரைத்த தோள்ப னிருகர மிகுத்த பார முருகாநின் பதமல ருளத்தி னாளு நினைவுறு கருத்தர் தாள்கள் பணியவு மெனக்கு ஞானம் அருள்வாயே

ராகம் : தர்பாரி கானடா தாளம் : ஆதி தாமரையின் மட்டு வாசமல ரொத்த தாளிணை நினைப்பி லடியேனைத் தாதவிழ் கடுக்கை நாகமகிழ் கற்ப தாருவென மெத்தி யவிராலி மாமலையி னிற்ப நீகருதி யுற்று வாவென அழைத்தென் மனதாசை மாசினை யறுத்து ஞானமு தளித்த வாரமினி நித்த மறவேனே

ராகம் : கேதாரம் அங்கதாளம் (7½) 1½ + 2 + 2 + 2 குருதி கிருமிகள் சலமல மயிர்தசை மருவு முருவமு மலமல மழகொடு குலவு பலபணி பரிமள மறசுவை மடைபாயல் குளிரி லறையக மிவைகளு மலமல மனைவி மகவனை யநுசர்கள் முறைமுறை குனகு கிளைஞர்க ளிவர்களு மலமல மொருநாலு சுருதி வழிமொழி சிவகலை யலதினி யுலக கலைகளு மலமல மிலகிய தொலைவி லுனைநினை பவருற வலதினி யயலார்பால் சுழல்வ தினிதென வசமுடன் வழிபடு முறவு மலமல மருளலை கடல்கழி துறைசெ லறிவினை யெனதுள மகிழ்வுற அருள்வாயே

ராகம் : பேகடா தாளம் : ஆதி என்னால் பிறக்கவும் என்னா லிறக்கவும் என்னால் துதிக்கவும் கண்களாலே என்னா லழைக்கவும் என்னால் நடக்கவும் என்னா லிருக்கவும் பெண்டிர்வீடு என்னால் சுகிக்கவும் என்னால் முசிக்கவும் என்னால் சலிக்கவும் தொந்தநோயை என்னா லெரிக்கவும் என்னால் நினைக்கவும் என்னால் தரிக்கவும் இங்குநானார்

ராகம் : கேதாரம் தாளம் : சதுச்ர ரூபகம் அரிமரு கோனே நமோவென் றறுதியி லானே நமோவென் றறுமுக வேளே நமோவென் றுனபாதம் அரகர சேயே நமோவென் றிமையவர் வாழ்வே நமோவென் றருண சொரூபா நமோவென் றுளதாசை பரிபுர பாதா சுரேசன் றருமக ணாதா வராவின் பகைமயில் வேலா யுதாடம் பரநாளும் பகர்தலி லாதாளை யேதுஞ் சிலதறி யாவேழை நானுன் பதிபசு பாசோப தேசம் பெறவேணும்

ராகம் : ரேவதி தாளம் : ஆதி அரியய னறியா தவரெரி புரமூ ணதுபுக நகையே வியநாதர் அவிர்சடை மிசையோர் வனிதையர் பதிசீ றழலையு மழுநேர் பிடிநாதர் வரைமக ளொருகூ றுடையவர் மதனா கமும்விழ விழியே வியநாதர் மனமகிழ் குமரா எனவுன திருதாள் மலரடி தொழுமா றருள்வாயே