306. ஈயெறும்பு நரி

ராகம்: மத்யமாவதி	சதுஸ்ர த்ரிபுடை (4 களை — 32) 1½ + 1½ + 1
ஈயெ றும்புநரி நாய்க ணங்கழுகு
காக முண்பவுட லேசு மந்துஇது
ஏல்வ தென்றுமத மேமொ ழிந்துமத	வும்பல்போலே
ஏது மென்றனிட கோலெ னும்பரிவு
மேவி நம்பியிது போது மென்கசில
ரேய்த னங்கள்தனி வாகு சிந்தைவச	னங்கள்பேசிச்
சீத தொங்கலழ காவ ணிந்துமணம்
வீச மங்கையர்க ளாட வெண்கவரி
சீற கொம்புகுழ லூத தண்டிகையி	லந்தமாகச்
சேர்க னம்பெரிய வாழ்வு கொண்டுழலு
மாசை வெந்திடவு னாசை மிஞ்சிசிவ
சேவை கண்டுனது பாத தொண்டனென	அன்புதாராய்
சூதி ருந்தவிடர் மேயி ருண்டகிரி
சூரர் வெந்துபொடி யாகி மங்கிவிழ
சூரி யன்புரவி தேர்ந டந்துநடு	பங்கினோடச்
சோதி யந்தபிர மாபு ரந்தரனு
மாதி யந்தமுதல் தேவ ருந்தொழுது
சூழ மன்றில்நட மாடு மெந்தைமுத	லன்புகூர
வாது கொண்டவுணர் மாள செங்கையயி
லேவி யண்டர்குடி யேற விஞ்சையர்கள்
மாதர் சிந்தைகளி கூர நின்றுநட	னங்கொள்வோனே
வாச கும்பதன மானை வந்துதினை
காவல் கொண்டமுரு காஎ ணும்பெரிய
வாலி கொண்டபுர மர்ந்துவளர்	தம்பிரானே.

---

Learn The Song

Raga Madhyamavati )Janyam of 22nd mela Karaharapriya)

Arohanam: S R2 M1 P N2 S    Avarohanam: S N2 P M1 R2 S

Paraphrase

ஈ எறும்பு நரி நாய் கணம் கழுகு காகம் (ee eRumbu nari nAy kaNam kazhugu kAgam) : Flies, ants, foxes, dogs, devils, eagles and crows

உண்ப உடலே சுமந்து இது (uNba udalE sumandhu idhu) : will ultimately prey on this body that I am carrying.

ஏல்வதென்று மதமே மொழிந்து மத உம்பல் போலே (Elvadhendru madhamE mozhindhu madha umbal pOlE) : Thinking that this body suits me well, I keep saying arrogant words and move about like a wild elephant.

ஏதும் என்றனிட கோல் எனும் பரிவு மேவி நம்பி (Edhum endranida kOlenum parivu mEvi nambi) : Believing that everything is under my firm control, I live merrily in the hope that this life would last for ever. எல்லாமே என்னுடைய ஆட்சியில் அடங்கியவை என்னும்படியான சுக நிலையை அடைந்து, இது நிலைத்திருக்கும் என நம்பி, கோல் — ஆட்சி,

இது போது மென்கசிலர் (idhu pOdhu menga silar) : A few people wonder if I am content with this luxurious life. சிலர் இந்த ஆடம்பரங்கள் இவனுக்குப் போதுமோ என்று கூறும்படியாக ,

ஏய் தனங்கள் தனி வாகு சிந்தை வசனங்கள் பேசி (Ey dhanangaL thani vAgu chinthai vachanangaL pEsi) : Abundant wealth has led me to unique thoughts and words of conceit.

சீத தொங்கல் அழகா அணிந்து மணம் வீச (seetha thongal azhagA aNindhu maNam veesa) : Wearing cool and fragrant garlands elegantly,

மங்கையர்களாட (mangaiyargaL Ada) : with girls dancing around me,

வெண் கவரி சீற கொம்பு குழலூத (veN kavari seeRa kombu kuzhal Udha) : while large white fans (chAmaram) drive a current of cool air and trumpets and flutes blow nearby,

தண்டிகையில் அந்தமாக சேர் கனம் பெரிய வாழ்வு கொண்டு உழலும் (thaNdigaiyil anthamAga sEr ganam periya vAzhvu koNdu uzhalum) : I imagine myself seated smartly in a palanquin; hankering after that great luxurious life, I roam around.

ஆசை வெந்திட உன் ஆசை மிஞ்சி சிவ சேவை கண்டு (Asai vendhida un Asai minji siva sEvai kaNdu) : That desire must be burnt. Instead, love towards You must intensify, and I must have Your blissful vision!

உனது பாத தொண்டனென அன்பு தாராய் (unadhu pAdha thoNdan ena anbu thArAy ) : Please bestow me with Your love so that I am known as the servant of Your hallowed feet!

சூதிருந்த விடர் மேய் இருண்ட கிரி (sUdhirundha vidar mEy iruNda giri) : The dark mount Krouncha, with its peaks and valleys notorious for several plotting schemes, and வஞ்சம் நிரம்பியவர்களும் மலைப்பிளவுகளும் மிகுந்ததும் இருண்டதுமான கிரெளஞ்ச மலையும் அசுரர்களும் வெந்து பொடிபட்டு அழியும்படியாக; விடர் — மலைப்பிளவு;

சூரர் வெந்து பொடியாகி மங்கி விழ (sUrar vendhu podiyAgi mangi vizha:) : the demons were all destroyed, being crushed to their death;

சூரியன் புரவி தேர் நடந்து நடு பங்கினோட (sUriyan puravi thEr nadandhu nadu panginOda) : the Sun's chariot, fastened with horses, drove along its orbit in the mid-sky (unlike during the rule of SUran); குதிரைகளைப் பூட்டிய சூரியனுடைய தேர் (சூரனுடைய ஆட்சிக்கு முன்பிருந்ததைப் போல) வானத்தின் நடுப்பகுதியில் ஓடும்படியும்,

சோதி அந்த பிரமா புரந்தரனும் (jOthi andha biramA purandharanum) : the bright Lord BrahmA, IndrA,

ஆதி அந்த முதல் தேவரும் தொழுது சூழ் (Adhi antha mudhal dhEvarun thozhudhu sUzha) : and all the celestials from the first DEvA to the last encircled in worship;

மன்றில் நட மாடும் எந்தை முதல் அன்பு கூர (mandril nada mAdum endhai mudhal anbu kUra) : our Father, the Primordial Lord SivA, who dances in the golden stage, stood there delighted with love;

வாது கொண்ட அவுணர் மாள (vAdhu koNdu avuNar mALa) : and the hostile demons who came to the war died;

செங்கை அயில் ஏவி (senkai ayil Evi) : when You wielded the Spear from Your reddish hand!

அண்டர் குடியேற (aNdar kudi ERa) : The celestials were all able to go back to their land;

விஞ்சையர்கள் மாதர் சிந்தைகளி கூர (vinjaiyargaL mAdhar chinthai kaLi kUra) : and the women folk of the Vidhyadharas (the teaching faculty of the Celestials) were all rejoicing when வித்தியாதரப் பெண்கள் மனம் மகிழும்படியாகவும் போர்க் களத்திலே நடனம் புரிந்தவனே!

நின்று நடனம் கொள்வோனே (nindru natanam koLvOnE) : You stood at the battlefield and danced!

வாச கும்ப தன மானை வந்து (vAsa kumba thana mAnai vandhu) : You approached VaLLi, the deer-like damsel with fragrant pot-like bosoms, and

தினை காவல் கொண்ட முருகா (thinai kAval koNda murugA ) : took over from her the duty of guarding the millet field, Oh MurugA!

எணும் பெரிய வாலி கொண்டபுரமே அமர்ந்து வளர் தம்பிரானே.(eNum periya vAli koNda puramE amarndhu vaLar thambirAnE.) : You are seated auspiciously in VAlikoNdapuram, which is considered to be a great place, Oh Great One!

சுருக்க உரை

ஈ, எறும்பு, நரி, நாய், பேய், கழுகு, காகம் இவைகள் கடைசியில் உண்ணப்போகும் இந்த உடலை நான் சுமந்து, இது தக்கது என நினைத்து ஆணவ மொழிகளையே பேசி, மதயானை போலே எல்லாமே என்னுடைய ஆட்சியில் அடங்கியவை என்னும்படியான சுகநிலையை அடைந்து, இது நிலைத்திருக்கும் என நம்பி, சிலர் இந்த ஆடம்பரங்கள் இவனுக்குப் போதுமோ என்று கூறும்படியாக, பொருட் செல்வங்களால், ஒப்பற்ற கர்வம் மிக்க எண்ணங்களுடன் பேச்சுக்கள் பேசி, குளிர்ந்த மாலைகளை அழகாக அணிந்துகொண்டு அவற்றின் நறுமணம் வீச, மங்கையர்கள் நடனமாட, வெண் சாமரங்கள் வீச, ஊதுகொம்பு, புல்லாங்குழல் முதலியவை ஊதிவர, பல்லக்கில் அழகாக நான் வீற்றிருக்கும் பகட்டான பெரிய வாழ்வைத் தேடிக்கொண்டு திரியும் ஆசையானது வெந்தழிய, உன்மீது ஆசை மிகுந்து, மங்களகரமான உனது தரிசனத்தைக் கண்டு அனுபவித்து, உன் திருவடித் தொண்டன் என்னும்படியான அன்பை எனக்குத் தருவாயாக. வஞ்சத் தொழில்களுக்கு இடமான மலைப்பிளவுகளைக் கொண்டு மிக இருண்ட மலையான கிரெளஞ்சகிரியும், அசுர சூரர்களும் வெந்து பொடியாகி அழிந்து விழ, சூரியனது குதிரைகள் பூட்டிய தேர் (சூரனது ஆட்சிக்கு முன்பு போல) சென்று நேர்வழியில் வானின் நடுப்பாகத்தில் ஓட, ஒளி பொருந்திய அந்தப் பிரமனும், இந்திரனும், முதல் தேவரிலிருந்து கடைசித் தேவர்வரை எல்லாத் தேவர்களும் வணங்கிச் சூழ்ந்து நிற்க, கனகசபையில் நடனமாடும் எந்தை, முழுமுதல் கடவுள், சிவபிரான் மகிழ்ந்து அன்புகூர்ந்து நிற்க, போருக்கு என்று வாதுசெய்து வந்த அசுரர்கள் மாண்டு அழிய, உனது செவ்விய கையில் உள்ள வேலாயுதத்தைச் செலுத்தி, தேவர்கள் தம்நாட்டில் குடியேற, வித்தியாதரர்களின் மாதர்கள் மனம் மிக மகிழ, போர்க்களத்திலே நின்று நடனம் புரிந்தவனே, மணம் வீசும் குடம் போன்ற மார்புடைய, மான் சாயல் உள்ள, வள்ளியிடம் வந்து, தினைப்புனத்தைக் காவல் காக்கும் தொழிலை மேற்கொண்ட முருகனே, மதிக்கத்தக்க பெருமைவாய்ந்த வாலிகொண்டபுரம் என்ற தலத்தில் வீற்றிருந்து விளங்கும் தம்பிரானே.